وهاوکاری بەغداد.. پێشانگای ناودەوڵەتی سلێمانی وە بەشداریکردن ناوخوەیی و ناودەوڵەتی
شەفەق نیوز/ ئمڕوو سێشەممە، دەسکریا چالاکیەیل پانزەهەم پێشانگای ناودەوڵەتی سلێمانی، و سەرپەرشتیارەیل پێشانگاگە باس بەشداریکردن فراوانیگ لەلایەن کۆمپانیایل ناوخوەیی و ناودەوڵەتی کردن.
زەریان محمد قسەکەر پێشانگای ناودەوڵەتی سلێمانی ئەرا ئاژانس شەفەق نیوز وت: پێشانگاگە لە ١١ تا ١٦ی تەشرین یەکەم وەردەوامە.
محمد وتیش: پێشانگاگە خوەراک و کەرەستە و چشتەیل کشتوکاڵی گرێدەو، تەنانەت بەشیگ لە کۆمپانیایل ماشینیش لە نمایشکردن بەرهەمیان لە پێشانگاگە بەشداری کەن.
هەمیش وت: پێشانگاگە بەشداریکردن زیاتر لە ١٥٠ کۆمپانیا لە ١٢ دەوڵەت عەرەبی و بیگانە وەخوەی دوینێد، وەگەرد بەشداریکردن کۆمپانیایل ناوخوەیی.
محمد دیاری کرد ک گشت ئەو دەوڵەتەیلە ک لە پێشانگاگە بەشداری کەن، وەکالەت تایبەت لە سلێمانی دیرن، ئەوەیش لەوەر ئەو وازبوین بازرگانیە ک سلێمانی لەبان دەوڵەتەیل جەهان دیرێدەی.
قسەکەر پێشانگاگە وتیش: پێشانگای ئمساڵ وە پشتگیریکردن وەزارەتەیل بازرگانی عراق و هەرێم کوردستان و دەسەی بەرهەمهاوردن ئەنجام دریا، دیاری کرد ک پێشانگاگە لە ساعەت دەی شەوەکی تا هەفت ئیوارەی دەرەیلی ئەرا هاووڵاتیەیل وازە، و گشت بەرهەمەیل وە نرخ ئەرزان فرووشیەێد.
