وه‌زير وه‌رگرى ئيتاڵى ره‌سيه‌ هه‌ولێر

شه‌فه‌ق نيوز/ لۆرينزۆ غويرينى وه‌زير وه‌رگرى ئيتاڵيا، وه‌ سه‌ردانيگ ره‌سيه‌ شار هه‌ولێر پايته‌خت هه‌رێم كوردستان و له‌لايه‌ن وه‌رپرسه‌يل له‌ حكومه‌ت هه‌رێم كوردستانه‌و پيشوازى له‌لى كرياو له‌وانه‌يش شۆڕش ئسماعيل وه‌زير پێشمه‌رگه‌.

برياره‌ وه‌زيرى وه‌رگرى ئيتاڵى له‌ى سه‌ردانيه‌ ئه‌را هه‌رێم كوردستان چه‌ن دوسيه‌يگ ئه‌منى وه‌ل وه‌رپرسه‌يل له‌ هه‌رێم تاووتوێ بكا.

جى باسه‌، ئاماژه‌ وه‌يه‌يش ئه‌كريه‌ێد وه‌زير وه‌رگرى ئيتاڵى سه‌ردان كوه‌يتيش كردگه‌و له‌ لێدوانيگ رووژنامه‌گه‌رێ وت: ئيمه‌ هه‌ميشه‌ له‌ڕێ هيزه‌يل ئاسمانى وڵاته‌گه‌مانه‌و چه‌وديرى بارودخ كرديمنه‌ له‌ عراق وه‌تايبه‌ت له‌و ناوچه‌يله‌ ك هيمان مه‌ترسى تيرۆر له‌تيان ئه‌كريه‌ێد.