وه‌زاره‌ت ناوخۆی کورستان ئاگەداری نوویگ دەرکرد
شەفەق نیوز/ دویای بڕیار قیەغەی هاتوچگنە گشتگیەرەگە لە هەرێم، ناوخوی هەرێم کوردستان، ئمڕوو دووشەممە، دیاری چارەنووس کادیرە ئەمنیاگان و فەرمانبەرەیل وکەسەیل گیرهاتگ لە پارێزگا عراقیەگان کرد . وه‌زاره‌ته‌گه لە بەیاننامەیگ ک رەسیە ئاژانس شەفەق نیوز وت؛ ئاگەداری ئەرا کەسەیل مەدەنی و فەرمانبەر و ئەندام دەزگا ئەمنیەگان ک شوین دەوام فەرمییان ها لە ئەو شارەگان عراق، ک رێوشوێنەگان قیەغە گشتگیریەگە لەبان قیەغەی جوولەیان وەرەو شارەیل هەرێم جیگیرە لە ماوەی دیارکریاگ لەو باوەتە.
وتیش؛ ئەو چینەیلە بایەسە له شوین خوەیان بمینن وپابەندبوون وەگشت کارەیل تایبەت وە مقەیەتی لە ڤایڕۆسەگە.
وەزارەت ناوخۆی کوردستان، دویای نیمەشەو یەکشەممە قەیەغەی هاتوچگن گشتگیر راگەیان ، تا ماوەی یەک هەفتە، دویای بەرزەوبوین ژماره‌ی تویشهاتن وە ڤایرۆس کۆڕۆنا.
وەگورەی بەیاننامەگەی ناوخۆی هەرێم ک رەسیە ئاژانس شەفەق نیوز؛ دویاخستن دەوام فەرمی، وبەسانن گشت شوینەگان بیجگە دەرمانخانەگان ونانەواخانه‌گان. کردنەوەی کۆگایل خواردەمەنی تەنیا ئەرا فروشتن سەوزەمەنی لە ناو ماشینەیل گڕخوەرەیل لەناو گەڕەکەگان ئازاده ، و موڵەت ئەلیکتڕۆنی تایبەت وە جویلانن ناوبەین پارێزگاگان وسنن ، لە ساعەت ٨ شەوەکی لە روژ دووشەممە، مەرزە سنوریەگان و فڕۆکەخانەگان ، مزگەفتەگان وپرستاگان تا ٦/٦ به‌سیه‌ن.
ناوخۆی کوردستان هوشداری سزای یاسایی دا لەبان هەرکەسیگ دژوە بڕیار قەیەغەگە بڵاو بکەێد.
رێژەی کەڵەکەی تویشهاتنەگان لە هەرێم کوردستان رەسیە ٧١٠ تویشهاتگ، ٧ لەلیان مردگە، ٤٢٠ خاسەوبویە، ٢٨٣ هانە ژیر چارەسەری.
