گومابوین وەرپرسیگ حزبی لە نزیک سلێمانی

گومابوین وەرپرسیگ حزبی لە نزیک سلێمانی
2020-10-17T07:37:32+00:00
شەفەق نیوز/ هاوپەیمان نیشتمانی لە هەرێم کوردستان، ئمڕوو شەممە، راگەیان لە گومابوین وەرپرسیگ لە حزبەگە، دویای دوو رووژ لە دەرچگنی لە ماڵەگەی لە نزیک پارێزگای سلێمانی.
هاوپەیمان ئمڕوو لە بەیاننامەیگ فەرمی وت: محمد عەوڵا رەسول ناسریاگە وە ماموستا محمد گرتک ئەندام نووسینگەی جیوەجیکەر و وەرپرس ناوچەی راپەڕین لە هاوپەیمان نیشتمانی، لە رووژ ١٥ی ئی مانگ تەشرینە لە ساعەت نۆی شەوەکی وە ماشینەگەی خوەی لەماڵ دەرچگ، و لە دویای نیمەڕو لە خود رووژەگە پەیوەندی وەگەردی بڕیا، وهیچ زانیارییگ لەلی نیە.
بەیاننامەگە دیاریکرد ک دویای مینە کردن وپرسین، وخەوەردارکردن لایەنە پەیوەندیدارەگان، و وەهاوکارییان دەرکەفت ک دویاترین دیدار رەسول لە دویای نیمەڕو لە رووژ ١٥ بویە، هەنای وەماشینەگەی لە خاڵ ئاسایش ناوچەی سەنگەسەر رەدبوود وەرەو قەندیل، و لەو وختەو تا دەرچگن ئی بەیاننامە هیچ زانیارییگ لە چارەنووس ئی وەرپرسە لە هاوپەیمان نیشتمانی نیە.
بەیاننامەگە وتیش ک گرتک کەسایەتی سەنگینیگە، وناسریاگە لە ناوچەگە، وهەمیشە ئاشتەوکردن کۆمەڵایەتی کردیاد، و پەیوەندیەیل سیاسیی خاس بوین.
Shafaq Live
Shafaq Live