کوشتن شوانیگ و زەخمداربوین کەسیگ تر وە تەقینەوەیگ لە دەورگرد هەرێم کوردستان
2021-01-13T08:29:00+00:00
شەفەق نیوز/ سیروان شکر یاجڵان قایمقام قەزای کفری، ئمڕوو چوارشەممە، خەوەردا لە کوشتن شوانیگ و زەخمداربوین یەکیگ تر وە تەقین بومبیگ دانریاگ لە خوەرئاوای قەزاگە.
باجڵان ئەرا ئاژانس شەفەق نیوز وت: تەقەمەنییگ لە دەورگرد ناحیەی نوجول لە سنوور کفری- دووزخورماتوو دوێەشەو لە وەخت دیریگ لەبان شوانیگ تەقیەو، ک بویە هووکار کوشتن شوانەگە و زەخمداربوین یەکیگ تر، و مەزەنە کرد ک تەقەمەنیەگە نووە و کۆمەڵە تیرۆرستەگان دانانەسەی.
وتیش؛ تەرم کوشیایەگە ئەرا پزشک دادوەری بریا و زەخمدارەگە ئەرا خەسەخانە، و هێزە ئەمنیەگان هەڵمەتیگ وەشکین وەمینەی تاوانبارەگان کردن.
