کوشیان پولیسیگ و زەخمداری پولیسیگ ترەک وە تەقیان تانکی کلۆر لە هەرێم کوردستان
2024-05-03T07:33:00+00:00
شەفەق نیوز/ وەڕیەوبەرایەتی پولیس ئیدارەی راپەڕین لە هەرێم کوردستان، ئمڕوو جمعە، کوشیان پولیسیگ و زەخمداری پولیسیگ ترەک راگەیان لە ئەنجام تەقیان تانکی کلۆر لەناو پڕۆژەی ئاو لە قەزای قەڵادزێ.
پولیس لە بەیاننامەیگ وت: شەوەکی ئمڕوو پولیسیگ گیانی لەدەسدا لە ئەنجام تەقیان تانکی کلۆر لە پڕۆژەی ئاو (خاس) لە قەزاگە، و تەرمەگەی ئەرا پزشک دادوەری لە پارێزگای سلێمانی بریا.
وتیش: پولیسەگە کە مردگە لە داڵگبوی ساڵ ١٩٧١ بویە، پولیسیگ ترەک لە ئەنجام رویداواگە کەفتە وەر تاسیان و ئەرا خەسەخانەی قەڵادزێ بریا لەوەر تەنگەهەناسە.
دووپات کرد کە ئەو دوو ئەندام پولیسە وەرپرسن لە مقیتیکردن پڕۆژەی ئاو نووشین لە قەزاگە.
