کوشیان وەرپرس سەربازی گەورەیگ لە پەکەکە لە شنگال
2024-04-02T11:30:36+00:00
شەفەق نیوز/ دەزگای دژە تیرۆر لە هەرێم کوردستان، ئمڕوو سێشەممە، کوشیان وەرپرسیگ سەربازی (گەورە) لە پەکەکە راگەیان، ئەوەیش وە گورزیگ ئاسمانی تورکی لە شنگال.
وەگورەی بەیاننامەی دەزگاگە، فڕۆکەیگ بێفڕۆکەوان سوپای تورکیا لە ساعەت ١١:٣٥ شەوەکی، ماشین چەکدارەیل پەکەکە لە کویەی شنگال نزیک سەربازگەی سەردەشت کردە ئامانج.
وتیش: ئی گورزە بویە هوکار کوشیان وەرپرسیگ سەربازی گەورە لە پەکەکە و زەخمداری دووان ترەک.
وەرجەیە، سەرچەوەیگ لە سوپای عراق خەوەردا کە ماشینیگ لە نزیک کویەی شنگال کەفتە وەر گورز فڕۆکەی بێفڕۆکەوان نەناسیای.
سەرچەوەگە ئەرا ئاژانس شەفەق نیوز وت: دڕۆنەگە پەلامار ماشینیگ دا مەزەنە کریەێد هن پەکەکە بوود، لە نزیک کویەی شنگال.
