کوشیان ئەندامیگ و زەخمداری ١٢ لە پێشمەرگە وە رویداویگ هاتوچو لە چەمچەماڵ

شەفەق نیوز/ وەڕێەوبەرایەتی تەندروسی قەزای چەمچەماڵ لە پارێزگای سلێمانی لە هەرێم کوردستان، ئمڕوو شەممە، کوشیان ئەندامیگ لە هیزەیل پێشمەرگە و زەخمداری ١٢یتر راگەیان وەرویداویگ هاتوچو لەبان ری ناوبەین چەمچەماڵ و سەنگاو.  

سامان نادر وەڕیەوبەر فریاکەفتن سلێمانی ئەرا ئاژانس شەفەق نیوز وت: رویداوەگە ئیوارەی ئمڕوو بوی، هەنای ماشینیگ سەروە وەزارەت پێشمەرگە مارکەی (زیل) لەبان ری چەمچەماڵ و سەنگاو نزیک فەرماندەی پیادەی کەرکوک (منیلە) پلیا. 

وتیش: رویداوەگە بویە هووکار کوشیان ئەندامیگ لە پێشمەرگە وەناو (نازم جاسم محمد) لە تەمەن ٥١ ساڵی، و زەخمداری ١٣ ئەندامتر.  

وتیش: تیمەیل فریاکەفتن ١٢٢ سەروە وەڕێەوبەرایەتی تەندروسی چەمچەماڵ وە کوتپڕ رەسینە رزگارکردن زەخمدارەیل لە شوین رویداوەگە، و رەسینە خەسەخانەی چەمچەماڵ و ئیسە هانە ژیر چەودێریکردن پزشکی.