کوشیان ژنیگ وەدەس براگەی لە سلێمانی و دەسگیرکردنی وە وەختیگ پەیمانەیی
2022-11-09T07:43:58+00:00
شەفەق نیوز/ هێزەیل پۆلیس سلێمانی کەسیگ دەسگیرکردن ک توومەتبارە وە تەقەکردن و کوشتن خوەشکەی لە دویەشەو لەوەر گرفت کۆمەڵایەتی.
وەڕێەوبەرایەتی پۆلیس پارێزگاگە لە بەیاننامیگ ئمڕوو وت، توومەتبارەگە دویەشەو پەلامار ماڵ خوەشکەی دایە ک کەفێدە گەرەک تاڤگە لە شار سلێمانی، تەقە لەلی کردیە و تویش زەخمداری سەختیگی کردیە، وتیش؛ لە دویای دوو ساعەت لە لە خەسخانە گیان لە دەسدایە، و بکوشەگە ئەرا شوین نادیاریگ وایە.
لە بەیاننامەگە ئاشکەرایکرد لە دویای وەرگردن بڕیار دادوەر لێکۆڵەر لە ماوەی کەمتر لە ساعەتیگ توەنستن بکوش ژنەگە پەیابکەن و دەسگیری بکەن، دەسبنەن وەبان ئەو چەکەگ وەکاری هاوردیە لە ئەنجامدان تاوانەگەی.
وەپای بەیانەگە تاوانبارەگە ناوی (ر، ب، م) یە و لەداڵگبوی ساڵ 1994 وە بڕیار دادوەر دەسگیرکریاس و لێکۆڵینەوە وەردەوامە.
