کوشیان ئەفسەریگ پێشمەرگە و زەخمداری دووان لە پاسەوانەیلی وەرویداویگ هاتوچو

شەفەق نیوز/ سەرچەوەیگ سەربازی لە هیزەیل پێشمەرگە، ئمڕوو یەکشەممە، خەوەردا لە کوشیان ئەفسەریگ وەپلەی عەمید وەرویداویگ هاتوچو لەبان ری کفری-کەلار لە ئیدارەی گەرمیان لە هەرێم کوردستان.  

سەرچەوەگە ئەرا ئاژانس شەفەق نیوز وت: ئەفسەریگ وەپلەی عەمید روکن لە وەزارەت پێشمەرگە، گیانی لەدەسدا، و دووان لە پاسەوانەیلی زەخمدار بوین، هەنای ماشینیان لەبان ری کفری-کەلار پلیا. 

سەرچەوەگە دیاری کرد ک رویداوەگە مەوقەی جیوەجیکردن ئەرک وەشکین سەنگەر وخاڵەیل ئەمنی لە دەورگرد قەزای کەلار بوی، وتیش: تەرمەگە ئەرا پزشک دادوەری بریا، و لێکۆڵینەوە لەلایەنەیل پەیوەندیدار واز کریا.