کوشیان کەسیگ وە گورزیگ ئاسمانی لەبان بنیاگ لە قەزای کەلار

عەقید جەماڵ قەدوری قسەکەر پولیس گەرمیان ئەرا ئاژانس شەفەق نیوز وت: دویای نیمەڕوو ئمڕوو، دەنگ رممەی تەقینەوەیگ ژنەفتیمن، و دویای رەسین ئەرا شوین رویداوەگە دەرکەفت کە فڕۆکەیگ بێفڕۆکەوان بینایگ دوو قاتی لە گەڕەک (شەهیدان) لە قەزای کەلار کردیەسە ئامانج.

وتیش: زانیاریەیل سەرەتایی نشان دەن کە یەک کەس لەلای کەمەو کوشیاگە کە تا ئیسە ناسنامەی نادیارە، و دووپات کرد کە لێکۆڵینەوە ئەرا رەسین وە بندروس رویداوەگە وەردەوامە.

 هەرلیوا، زانیاریەیل و وخەوەر پەیامنێرەیل ئاژانسمان نشان دەن کە ئەو بینا کە کریایە ئامانج هم بزووتنەوەی تەڤگەر ئازادی کۆمەڵگەی کوردستانە کە نزیکە لە پەکەکە.

دویەکە پەنجشەممە، دەزگای دژە تیرۆر راگەیان کە سێ ئەندام لە یەپەشە کوشیانە و زەخمدار بوینە، لەناویان وەرپرسیگ بویە، ئەوەیش وە گورزیگ ئاسمانی تورکی لەنزیک قەزای شنگال.