کوشیان کەسیگ و زەخمداری پەنج کەس وە مەرافەیگ لە راپەرین
شەفەق نیوز/ وەڕێوەبەرایەتی پۆلیس ئیدارەی سەروەخوەی راپەرین لە هەرێم کوردستان، ئمڕوو شەممە، هویردەکاری رویداویگ تونوتیژی راگەیان کە دویەشەو لە قەزای حاجیاوا رویدا، و لە ئەنجام کەسیگ کوشیا و پەنج کەس زەخمداربوی.
لە بەیاننامەی پۆلیس راپەرین کە ئاژانس شەفەق نیوز دیەسێ هاتیە، "مەرافیگ لەناوەین دوو خێزان دروسبویە لە قەزای حاجیاوا رەسیەس ئەرا کوشتن پیاویگ لەداڵگبوی ساڵ 1991، رویوەەری لێدان کوشندەیگ بویە وەبان سەری لەری کەرەستەی تیژیگ".
پۆلیس وتیش "پەنج کەس ترەکیش زەخمداربوین لە رویداوەگە، ئەرا خەستەخانەی گشتی رانیە کلکریان، هانە ژیر چەودێری پزیشک".
لەباوەت هووکار مەرافەگە پۆلیس دیاریکرد "لێکۆڵینەوەیل سەرەتایی و بڕیگ لە گەواهیدانەیل مەرافەگە چوودەو ئەرا گیچەڵیگ کۆمەڵایەتی لەناو هەردووگ خێزان، کە قەومایەتی هاناوەینیان".
لە بەیاننامەگە دووپاتکرد، "لەدویای تەواوکردن رێکارەیل وشکنین پزیشک دادوەری تەرم قوربانیەگە دریارە دەس کەسوکارەگەی" دئاشکرایکرد " دەسڵاتدارەیل 12 کەس دەسگیرکردنە وەپای مادەی 406 لە یاسای سزادان عراقی، و لێکۆڵینەوەیل تا ئیسە وەردەوامە ئەرا ئاشکراکردن رویداوەگە".
