کوشیان دوو گەشتیار وە تووپ تورکیا لە باکوور دهۆک
شەفەق نیوز/ سەرچەوەیگ ئەمنی له دهۆک، ئمڕوو یەکشەممە، خەوەردا لە کوشیان دوو گەشتیار لە خەڵک شار مووسڵ لەوەر تووپیگ تورکی لە قەزای زاخۆ.
سەرچەوەگە ئەرا ئاژانس شەفەق نیوز وت: وەرجەوو رووژ، دوو گەشتیار لە خەڵک مووسڵ، رەسینە شوینە قەیەغەگە لە ئاوای بانکای لە ناحیەی باتیفا سەروو قەزای زاخۆ، و دیاری کرد ک تووپ تورکیا کەفتە نزیک ماشینیان و هەردوگیان کوشت.
سەرچەوەگە دیاری کرد ک گەشتیارەیلە یەکیگیان وەناو ئەحمەد شکر لە داڵگبوی ١٩٨١، و ئەوەکە وەناو یوسف عومەر لە داڵگبوی ١٩٩٥ بوی، و دیاری کرد ک هێزە ئەمنیەیلە لە زاخۆ تەقەلا دەن بڕەسنە ناوچەگە تەرم دوو گەشتیارەگە درارن.
سەرچەوەگە وتیش؛ کەسوکارەیل دوو کوشیایەگە خەوەردار لایەنە ئەمنیەیلە کردن ک پەیوەندی وەگەردیان بڕیا، دویای رەسینیان وەرەو ناوچەیل زاخۆ وە گەشتیاری، وتیش؛ لایەنە ئەمنیەیلە وەڕی موختار ئاوای بانکا کەفتنە مینەیان ک خەوەڕ لە ماشینیگ لەنزیک ئاواییەگە دا ک دوو گەشتیار هاناوی و وەتووپواران تورکیا کوشیانە.
