وسانن دەوام لە زیندان چاکسازی لە سلێمانی لەوەر تووشهاتن فەرمانبەرەیلی وەکۆڕۆنا
2020-06-16T13:59:41+00:00
شەفەق نیوز/ بڕیار دریا لە دویاخستن دەوام فەرمی لە زیندان چاکسازی لە پارێزگای سلێمانی، ئمڕوو سێشەممە، دویای تۆمارکردن دوو تووشهاتگ وەکۆڕۆنا لەناو فەرمانبەرەیل زیندانەگە.
یادگار حاجی توێژینەوەرە کۆمەڵایەتیەگە ئەرا ئاژانس شەفەق نیوز وت؛ دوو فەرمانبەر لە زیندانەگە کارکەن تووش ڤایڕۆس کۆڕۆنا هاتن، وتووشهاتگەیل لە فەرمانبەرە مەدەنیەگانن و وەقەی زیدانیەیل نیانە.
وپێشنینی کرد لە بەرزەوبوین تووشهاتنەگان لە روژەیل ئاینده، وئاماژەدا وە دویاخستن دەوام ئەرا ١٠ روژ لە زیندانەگە، ك مەترسی هەس لە بڵاوبوین پەتاگە له ناونی زیندانیەیل.
