وسیان کاروانەیل ئاسمانی لە فڕۆکەخانەی سلێمانی

شەفەق نیوز/ ئیدارەی فڕۆکەخانەی ناودەوڵەتی سلێمانی، ئمڕوو پەنجشەممە، کاروانەیل ئاسمانیی وسان لەوەر خراوی کەشوهەوا و خوەڵوتوزەگە ک وڵاتەگە گردیەسە وەر، ک هیشت ئاست نووڕستن فرە کەمەو بوود.  

ئیدارەی فڕۆکەخانەگە لە بەیاننامیگ رەسیە ئاژانس شەفەق نیوز وت: جویلەی ئاسمانی ئمڕوو لەوەر خراوی کەشوهەوا و کەمەوبۊن ئاست نووڕستن وسیا، و دیاری کرد ک هەنای کەشوهەوا خاسەو بوود ئەوەسا جویلەی فڕۆکەیل هاتن و چگن  ئەرا سرووشتی خوەی گلەو خوەێد. 

یە دویەم جارە کاروانەیل ئاسمانی لە فڕۆکەخانەی ناودەوڵەتی سلێمانی پەکی بکەفێد لەوەختیگ گەردەلۊل خوەڵوتوز لەی ساڵە هەرێم کوردستان گردیەسە وەر.   

وەڕێەوبەرایەتی کەشوهەوا و رەوانگەی زەویلەرزە، دویەکە چوارشەممە مەزەنە کرد ک ئاست نووڕستن لە چەن شاریگ لە هەرێم کوردستان لەوەر خوەڵوتوزەگە کەمەو بوود.