گورزیگ تورکی پیەڵ گرنگیگ رمنێد و کارەبا لە ٢٠ ئاوای لە دهۆک بڕێد

شەفەق نیوز/ سەرچەوەیگ حکومەتی لە دهۆک، ئمڕوو یەکشەممە، خەوەردا ک فڕۆکەیل تورکیا دووارە بمباران ناوچەیل باکوور پارێزگاگە کردن، ک بویە هووکار رمیان پیەڵیگ گرنگ و بڕیان کارەبا لە بڕیگ ئاوای.

سەرچەوەگە ئەرا ئاژانس شەفەق نیوز وت: فڕۆکەیل تورکیا دویەشەو لە وەخت دیریگ ناوچەیلیگ لە قەزای عەقرە باکوور دهۆک کردنە ئامانج، ک بویە هووکار رمیان پیەڵیگ گرنگ وەگەرد بڕین کارەبا لە ٢٠ ئاوای.

دیاری کرد ک گورزەگە رەسیە ئاوایەیل کورتکا ومیر کەرشی لە ناحیەی دینارتە لە قەزای عەقرە،  وتیش زەرەدەیلیگ دارایی رەسینە خەڵک ئی ئاوایەیلە.

دویەکە شەممە، فڕۆکەیل تورکیا چەن گورزیگ ئەرا ئەندامەیل پەکەکە لە دووڵ سیڤا لە کویەی مەتین لەبان ئاوای کۆهەرزی وبلافە لە ناوچەی نهێلی لە قەزای عەمادیە وەشانن.