ئوردن ئافەرین لە پیشکەفتن هەرێم کوردستان کەێد و داوای وڵاوەکردن هاوکاری کەێد

بارەگای بارزانی لە بەیاننامەیگ رەسیە ئاژانس شەفەق نیوز وت: وەرزی کشتوکاڵی ئوردن لە دیدارەگە سڵاو پاتشای ئوردن شاه عەبدولڵا ئەرا سەرۆک بارزانی رەسان، و وت: ئوردن وە شاه و گەل و حکومەتی خوەیان وە برادەر گەل کوردستان زانن.

وەزیر کشتوکاڵی ئوردن ئافەرین وە پیشکەفتن و گەشەکردن هەرێم کوردستان وەماوەی کوڵیگ کرد، هەرچەن قەیران و بڕیگ گیچەڵ و ریگری بویە، و بانگەواز ئەرا وڵاوەکردن پەیوەندییەیل دووانی کرد لە گشت چینەیل، وەتایبەت لە کشتوکاڵی و ئاوەدانکردن.

لە دیدارەگە بارزانی باس پاتشای ئوردن شاه عەبدولڵا وە برادەر و برای نزیک کردر و باس پەیوەندییەیل میژووی ناوەین هەرێم کوردستان و شانشین ئوردن کردر و دووپات لە وەردەوامی و قایمکردن ئی پەیوەندییەیلە کرد.

هەمیش باس رەوشەیل سیاسی و سەختیەیل لەڕوی ئارامی لە ناوچەگە و عراق کریا.