کوردستان.. قوربانیەیل رویداوەیل هاتوچو دوو قات لە بیماریە بکوشەیل زیاترە
2023-06-05T10:37:23+00:00
شەفەق نیوز/ کۆمەڵەی (بیوەیی ریوبان)، ئمڕوو دووشەممە، راگەیان قوربانیەیل رویداوەیل هاتوچو لە هەرێم کوردستان لە ساڵەیل دویایین وە شیوەی وەرچەویگ زیای بویە، و پڕۆژەیگ خستە وەردەس ک دەسمیەتی لە کەمەوکردن شمارەی قوربانیەیل کەێد.
ئاڤان کەریم ئەندام کۆمەڵەگە لە کۆنگرەیگ رووژنامەوانی لە شار سلێمانی ئاژانس شەفەق نیوز ئامادەی بوی وت: شمارەی قوربانیەیل رویداوەیل هاتوچو دوو ئەوەنەی قوربانیەیل بیماریە بکوشەیلە، و هەر وەردەوام زیایەو بوود.
وتیش؛ لە هەسکردن وە وەرپرسایەتی مزگانی پڕۆژەیگ دایمنە دەسمیەتی لە کەمەوکردن شمارەی قوربانیەیل رویداوەیل هاتوچو وەشیوەی ئاشکرایگ دەێد.
لە هویردەکاری پڕۆژەگە، ئاڤان دیاری کرد ک پڕۆژەگە وەدوو گام وە هەماهەنگی وەگەرد ریخریاگەیل دیموکراتی رەسێدە ئەنجام، یەکەمیان رەفتارکردن وەرد ١٥ مەکتەو، وەتایبەت ئەوانەگ کەفنە بان ریەیل دەیشتەکی، ئەوەیش وەخاتر هووشیارکردن خوەنەوارەیل لە رخەیل رویداوەیل.
گام دویەم، بڵاوکردن پۆستر هووشیاری لە جادە و شوینەیل گشتی لە سلێمانی.
