کوردستان قەیەغەی هاتووچگن ناونی پارێزگایلی لە جەژن کەێد و دەوام مەکتەوەیل تیارێدەو
شەفەق نیوز/ دەسەی باڵای نواگردن ڤایڕۆس کۆڕۆنا لە هەرێم کوردستان، ئمڕوو جمعە، بڕیار قەیەغەکردن هاتووچگن ناونی ناوچە و شار و پارێزگایل هەرێم لە رووژویل جەژن رەمەزان دا، و هەمیش راگەیان هاتنەوەی دەوام لە مەکتەوەیل و پەیمانگایل لە دویای جەژنەگە.
دەسەگە لە بەیاننامەیگ لە وەزارت ناوخۆی هەرێم ک رەسیە ئاژانس شەفەق نیوز نشان وازکردن دەرەیل مەکتەوەیل و پەیمانگایل سەروە وەزارەت پەروەردە لە دویای جەژن رەمەزان دا، و دویای هەڵسەنگاندن رەوش تەندروسی و کاریگەری ڤایڕۆس کۆڕۆنا.
بەیاننامەگە ئاگاداری کرد لە قەیەغەی هاتووچگن لە گشت پارێزگایل (هەولێر، و سلێمانی، و دهۆک، هەڵەبجە) و ئیدارە سەروەخوەییەکان(راپەڕین و گەرمیان) و گشت کەرتە ئیدارەییەیل لە ساعەت ١٢:٠٠ لە دویاترین شەو رەمەزان تا ساعەت ١٢:٠٠ لە نیمەڕو رووژ سێەم لە جەژنەگە.
بەیاننامەگە دووپات کرد لە قەیەغەی گەشتکردن هاوڵاتییەیل عراقی وەرەو وڵات هیند، و قەیەغەی هاتن بیگانەیل ک لە دویای ٢٠ نیسان سەردان هیند کردنە، و خستن ئەو عراقییەیلە ک لەو وڵاتە هاتنە لە ژیر کەرەنتین تەندروسی لە مەرزە سنووریەکان هەرێم کوردستان.
دەسەگە هەمیش قەیەغەی قلیان لەناو یانە و کافیتریا و چێشتخانەیل و ئەو شوینە گشتیەکان کرد، وهەر شوینیگ لەوانە پابەند نەوود ئەوەسا تا ماوەی یەک هەفتە بەسیەێد وەباجیگ بایی پەنج مەلیۆن دینار خریەێدە بانی.
