کوردستان ڤیستواڵیگ ناودەوڵەتی لەوەر گورزەیل ئیران خەێدە دویا و هونەرمەنیگ ئیتالی تابلۆیگ ئەرا هەرێم کوردستان کیشێد
شەفەق نیوز/ وەزارەت روشنهویری و گەنجەیل لە هەرێم کوردستان، ئمڕوو پەنجشەممە، بڕیار دویاخستن ڤیستواڵ هەشتەم کەلتورەیل جیاجیا لە رانیە دا، لەوەر ئەو رەوش نەخوازیاگە دویای گورزەیل ئیران لەبان ناوچەیلیگ لە هەرێم کوردستان.
وەزارەتەگە لە بەیاننامەیگ رەسیە ئاژانس شەفەق نیوز وت: ڤیستواڵ هەشتەم ئەرا کەلتورەیل جیاجیا بڕیار بوی لە ٢٩ی ئەیلوول لە رانیە بسازیەێد، کەفتە دوو تەشرین یەکەم لەی ساڵە.
وتیش: لەوەر ئەو رەوشەیل نەخوازیاگە و ئەو گورزەیلە ک بوینە هوکار کەفتن قوربانیەیلیگ لە مەدەنیەیل، وەزیر روشنهویری و گەنجەیل بڕیار دویاخستن ڤیستواڵەگە دا، و سوپاس لە بەشدار و رێکخەرەیل ئاهەنگە کرد.
لەی چینە، هونەرمەن ئیتالی جانلوکا کۆنستانتینی، تابلۆیگ هونەری ئەرا هەرێم کوردستان پیشکەش کرد، وە کیشان وینەی ئەو دویەت کورد زەخمدارە "هانیا سامرەند" کیشاد، و نیشانەیل رخی لە گورزەیل ئیران لەلی دیارە، و لەبانی نویسایە "ئازادی ئەرا کورد".
وەرجەیە، ئەو شیوەکار ئیتالیە، چەن وینەیگ ئەرا کورد کیشاگە، و هەمیش زیانیان لە ئەوروپا وە هونەری نشان دا، و لە ٢١ ئەیلوول، وینەی ئەو دویەت کورد ئیرانە "ژینا ئەمینی" کیشا، ک کەفتە وەر دەسدرویژی پۆلیس ئەخلاق لە تەهران و دویای ئەوە گیانی لەدەسدا.
