کوردستان سییەم ساڵیاد راپەڕین ئادار کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو جمعە، بەیاننامەیگ لە سییەم ساڵیاد ئەرا راپەڕین ئادار ساڵ ١٩٩١ دژوە رژیم عراق وەرین دەرکرد، ک کورد لە دویای ئەوە توێنست هەرێم کوردستان دامەزرنێد.
بارزانی لە بەیاننامەیگ وت: راپەڕین ئادار ساڵ ١٩٩١ ، لە دەسکەفت و شانازیە مەزنکانە ئەرا گەل کوردستان، و لە ئەنجام یەکێتی وپاڵپشتی گشت پێکهاتەیل گەل کوردستان وەگەرد هێز و حزبە کوردستانیەکان بوی، ئەرا رەتکردن ستەم و داگیرکردن و کوێلەیاتی.
وتیش؛ راپەڕین ئادار نشانەیگ مێژووی جیوازیگ بوی ئەرا شۆڕش بزووتنەوەی ئازادیخوازی گەل کوردستان، و هیشت پێکهاتەیگ فیدڕاڵی ئەرا هەرێم کوردستان و دامەزراوە دەستووریەکانی بڕەسێدە بەر، ک بایەدە گشت تاکیگ و گشت لایەنەیل و پێکهاتەیل هەرێم کوردستان رزەیلیان بکەنە یەک، و وەیەک دەنگ وەرگری لە دەسکەفتە نیشتمانیەکان و مافە دەستووریەکان گەل کوردستان بکەن، و بایەدە مقەیەتی لە رەوشتە پاکەکان راپەڕین ئادار بکریەێد، و بنەمایل پێکەوەژیان و ئاشتی و مرۆیی گەل کوردستان بتەو بکریەن.
وتیش؛ با ساڵیاد راپەڕین بوودە هاندەریگ تر ئەرا پشتگیریکردن حکومەت هەرێم کوردستان، تا بتوێتێد بەرنامەی چاکسازیی وە تەواوەتی و وەخاسترین شیوە وەجی بارێد، و خزمەتگوزاریەیل گونجیاگ ئەرا خەڵک کوردستان پێشکەش بکەێد، تا وەیەکەو وەرەو قۆناغیگ زیاتر پێشکەفتگ بچیمن.
لەلای خوەییش، وەی بۆنە، مەسعود بارزانی سەرکردەی کورد سەرۆک پارت دیموکرات کوردستان وت: راپەڕینەگە رەتکردن و نواگردنیگ ئازاییگ ئەرا ستەم و داگیرکردن بوی، و هەمیش گام مەزنیگ بوی ئەرا بزووتنەوەی ئازادیخواز کوردستانی وەرەو دامەزرانن قۆناغ گرنگیگ لە مێژوو خەبات گەلەگەمان.
ئامانج ئی راپەڕینە هاوردنەوەی خاک و مافە داگیرکریایەکان وەزوور ئاگر و ئاسن لە ماوەی دریژیگ ئەرا گەل کوردستان بوی.
هەمیش وت؛ راپەڕینەگە ئەرا وەتواناکردن گەل کوردستان بوی لە دامەزرانن دامەزراوە شەرعیەکان لەبان خاک خوەی، لە چوارچێوەی دیموکراتی، و تا مافەیل خوەی وە ئازادی وەڕی بوەێد.
لەی ساڵیاد پیرووزە، دووپات لە گرنگی مقەیەتیکردن ئامانج و بنەمایل ئی راپەڕین بەرزە تا هەتایی کەیمن، و لە گرنگی بەد وەکارنەهاوردن ئامانجەیل و دەسکەفتەیل راپەڕینەگە ئەرا ئامانجەیلیگ تەسک و کەمەوکردن لە ئەرزشەگەی.
سەرکردەی کورد وتیش؛ گەل کوردستان خەبات کرد و خوین کردە قوربانی، و راپەڕین وەخاتر ژیان ئازاد کرد، و هەر کەسیگ یا هەر لایەنیگ بخوازێد بنەمایل و ئامانجەیل راپەرێنەگە خراو بکەێد یا لە ئەرزشی کەمەو بکەرد، ئەوە خیانەت راستەقینەیگە ئەرا خوین شەهیدان و خەبات دەیان ساڵەیل ئەرا گەل کوردستان و قەربانیەکانی، و وەرانەوەر ئەوە، سەدان ھەزار لە خەڵک گەل کوردستان هەس ئامادەن ئەرا وەرگری لە ئامانج و بنەما پاکەیل راپەڕینەگە.
