کوردستان.. تووشهاتنەکان زیاتر لە ٥٠٠ و ٧ مردن

شەفەق نیوز/ وەزارت تەندروسی لە حکومەت هەرێم کوردستان، ئمڕوو چوارشەممە، ٧ مردن و ٥١٦ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە تۆمار کرد.

وەزارەتەگە لەبەیانامەیگ رەسیە ئاژانس شەفەق نیوز وت: تووشهاتنە نووەکان وەیجوورە بەشەوە بوین؛ ١٧٢ هەولێر، ٢٠٢ سلێمانی، ١٣٧ دهۆک، ٤ گەرمیان، ١ راپەرین.

لەباوەت خاسەوبویەکان، وەزارەتەگە وت؛ وەیجوورە بەشەوە بوین: ٧٩ هەولێر، ٦٣ سلێمانی، ٥٨ دهۆک، ١١ گەرمیان، ١٢ راپەڕین.

و ئاماژە کرد ک ٤ مردن لە هەولێر تۆمار کریا، و یەک مردن لە سلێمانی، و دووان لە دهۆک.

وەزارەتەگە وتیش؛ گشت ژمارەی تووشهاتنەکان لە هەرێم کوردستان رەسیە ١١٦٨١١، و مردنەکان ٣٦١٧، و خاسەوبویەکان بویە ١٠٧٤١٨.