واران وارین لە هەرێم کوردستان وەردەوام بوود
2024-02-15T08:29:37+00:00
شەفەق نیوز/ دەسەی کەشناسی هەرێم کوردستان، ئمڕوو پەنجشەممە، مەزەنەیل کەشوهەوای شار و ناوچەیل هەرێم دیاریکرد.
دەسەگە لەبەیاننامەیگ رەسیە ئاژانس شەفەق نیوز وت، "واران وارین وەردەوام بوود ئاست وارینەگە ممناوەن بوود لە گشت ناوچە کویەیلە و سەنتەر پارێزگیەیل، مەزەنەکرێد دویای نیمەڕوو فرەترین رێژەی واران لە سنوور ئیدارەی گەرمیان و بەشیگ لە باشوور پارێزگای سلێمانی بوود، گاجاریگ وەرد وارانەگە بەڵاچەیش بوود و کاریگەری شەپوولەگە لە شەو کەمەوبوود".
ئاشکەرایکرد، "پلەی گەرمی کەمیگ نزمترەوبوود لە توومارەیل دویکە".
بەرزترین پلەی گەرمی مەزەنەکریاگ شار و ناوچەیل هەرێم:
هەولێر : 16
سلێمانی : 16
دهۆک : 16
کەرکوک : 19
هەڵەبجە : 16
زاخۆ : 15
سۆران : 10
حاجی ئۆمەران : 6
گەرمیان : 20.
