واران رفتیگ و داوەزین پلەی گەرمی لە هەرێم کوردستان
2023-05-20T08:03:03+00:00
شەفەق نیوز/ وەڕیەوبەرایەتی کەشناسی و زەویلەرزەناسی هەرێم کوردستان، ئمڕوو شەممە، مەزەنەی کەشوهەوای پارێزگایل هەرێم کوردستان وەماوەی ٤٨ ساعەت ئایندە راگەیان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەزەنە کریاگە پلەی گەرمی لە پارێزگایل هەرێم کوردستان لە ٥ تا ٧ پلە داوەزێد، وەگەرد پەڵەی واران لە گشت ناوچەیل، وتیش؛ جاروباریش بوودە واران رفت وەگەرد تریشقە.
بەیاننامەگە دیاری کرد ک مەزەنەی پلەی گەرمی لەماوەی ٤٨ ساعەت ئایندە وەیجویرەس: هەولێر ٣٠، سلێمانی ٢٧، دهۆک ٢٧، هەڵەبجە ٣١، گەرمیان ٣٦، زاخۆ ٢٨، سۆران ٢٦.
