وارانە رفتەگە وەیجویرە وە ماڵەیل خەڵک سلێمانی کرد.. وینە

رهیڵ ئەحمەد خاوەن ماڵیگ زەرەد وەپی رەسیە، ئەرا ئاژانس شەفەق نیوز وت: شەپوول وارەنەگە لە ساعەت شەش و نیم شەو سەختەو بوی، کە ئاو چیە ناو ماڵەیل لەی گەڕەکە، وتیش یە یەکەم جار نییە خەڵک ئی ناوچە وەیجویرە وەپییان باێد.

 لەباوەت بڕ ئەو زەرەدەیلە کە رەسیە ماڵ بەشیگ لە خەڵکەگە، ئەحمەد دووپات کرد کە ٦٠٪ لە ناوماڵەی ماڵەکە وەتەواوی ویران بوی، و هەمیش ماڵەیلیگ ترەک کە زوور دارایی خەێدە بان خیزانە زەرەدمەنەیل، و دووپات کرد کە رەنج حکومەت ساڵانە تەنیا کەفتیەسە یان دراوردن ئاو لە جادەیل ناو و سەرەکی، کە چارەکردن زویوەزی خوازێد ئەرا گیچەڵ ئاو واران لەی گەڕەکە.

هەرلیوا، وەڕیەوبەرایەتی قەزای چەمچەماڵ لە سلێمانی، لە بەیاننامەیگ رەسیە ئاژانس شەفەق نیوز دووپات کە ری سەنگاو چەمچەماڵ لەوەر وارانە رفتەیل دویەشەو رمیاگە، و داوا لە خەڵکەگە کرد وەو ریەو نەچن.