واران رفتیگ جادەیل هەولێر نقومکەێد وەرگیری شارستانی دووپاتکرد: گیچەڵەیل چارەسەر کریانە

ئاژانس شەفەق نیوز بارودۆخ جادەیل شار هەولێر توومارکردیە وەگەرد واران وارینە رفتەگە کە لە دویەکە یەکشەممەو وەردەوامە.

قسەکەر فەرمی وەڕێوەبەرایەتی وەرگیری شارستانی موقەدەم کاروان عەلی وە ئاژانس شەفەق نیوز راگەیان، " وەڕێوەبەرایەتیەگە لەدویەشەو کەفتیەسە  ئامادەباشی  لە دویەکەو چەن تیمیگ جیگیرکردیە  ئەرا حالەتەیل لەناکاو".

وتیش "تیمەگە ئیرنگە وەناو جادە و کویچەیل  گەردن ئەرا چارەسەرکردن گیچەڵ جەوبوین ئاو و پەنج گیچەڵ ئاوەڕۆ لە سنوور پارێزگای هەولێر توومارکریایە  لەماوەی چەن ساعەت گوزەشتە چارەسەرکریانە".

دووپاتکرد "تیمیگ تایبەت وە وەڕێوەبەرایەتیەگە ئامادەکاریکردنە ئەرا چارەسەرکردن هەر گیچەڵیگ رویبیەێد وە مدوو وەردەوامی شەپوول واران وارین".