چوار مردن و ٢٧٩ تووشهاتن وە کۆڕۆنا لە ئیدارەی سەروەخوەیی
2021-04-06T10:53:24+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو سێشەممە، راگەیان تۆمارکردن چوار مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو پیاو و یەک ژن لە قامیشلۆ تۆمار کریان.
موستەفا دووپات کرد ک ٢٧٩ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ١٦٧ پیاو و ١١٢ ژن تۆمار کردنە.
تووشهاتنە نووەکان وەیجوورە بەشەوە بوین: ٣٤ حەسەکە، ٨٧ قامیشلۆ، ٢٧ دێریک، ١ کەرکی لەکی، ١٣ دەرباسیە، ٤ کۆبانی، ١٧ ریقە، ٢ مەنبج، ٥٧ دێر زۆر، ٣٧ تەبەقە.
وتیش؛ شەش خاسەوبوین نوو تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١١٠٩٢، لەلیان ٤٠٠ مردنە، و ١٣٤٠ خاسەو بوینە.
