وە کووڵ ماتوورسکڵ.. مردن و زەخمداری دوو سەرباز لە کەرکوک
2024-04-12T08:54:10+00:00
شەفەق نیوز/ سەرچەوەیگ ئەمنی، ئمڕوو جمعه، خەوەردا کە سەربازیگ کوشیا و یەکیگیش زەخمدار بوی وە رویداویگ هاتوچو باشوور خوەرهەڵات پارێزگای کەرکوک.
سەرچەوەگە ئەرا ئاژانس شەفەق نیوز وت: دوو سەرباز لە کووڵ ماتوورسکڵ بوینە لەبان کەرکوک - لێلان تویش رویداویگ وەرد ماشینیگ کیای بارهەلگر هاتن لەوەر تونی رانین فرەیگ، کە رویداوەگە بویە مدوو کوشیان سەربازیگ و زەخمداری ئەوەکە.
سەرچەوەگە وتیش: پولیس رەسیە شوین رویداوەگە و تەرم سەربازەگە ئەرا پزشک دادوەری برد، و زەخمدارەگە ئەرا خەسەخانە.
