وەڕیەوبەر تەندروسیی: سلێمانی تەنیا پارێزگاس لە عراق تەو خوینوەربوین لەناوی نییە
2023-06-15T10:57:05+00:00
شەفەق نیوز/ سەباح هەورامی وەڕیەوبەر گشتی تەندروسی سلێمانی، ئمڕوو پەنجشەممە، وت: ڤایرۆس تەو خوینوەربوین لە گشت پارێزگایل عراق بڵاو بویە، بیجگە پارێزگای سلێمانی.
هەورامی لە کۆنگرەیگ رووژنامەوانی وت: پارێزگای سلێمانی تەنیا یەک تویشاهاتنیش وەی بیماریە توومار نەکردیە، وتیش: یەک بیمار بوی گومان لە تویشهاتنی وە تەو خوینوەربوین داشتیمن، و لە ئەنجام تاقیکردنەوەیل لە بەغداد دەرچگ تویشی نەهاتیە.
ئەو وەرپرس تەندروسیە، هان دانیشتگەیل دا ریکارەیل جیوەجی بکەن، تا نوای بڵاوبوین ئی بیماریە بگرن، وتیش؛ تەو خوینوەربوین بیمارییگ رخبەرە، وەلی مقیەتبوین لەلی ئاسانە.
لە دویادویای مانگ ئایار، وەزارەت تەندروسی عراق راگەیان تویشهاتنەیل تەو خوینوەربوین لە وڵاتەگە رەسیە ١٤٩ بیمار لە سەرتای ئی ساڵەو، و ٢٠ لەلیان مردنە.
