وە پویل خەڵکەگە.. هەڵمەتیگ مرۆیی ئەرا بیناکردن ماڵ ئەرا نەدارەیل لە خانەقین
شەفەق نیوز/ بڕیگ لە خوەیبەخشەیل لە شار خانەقین، ئمڕوو دووشەممە، دەسکردنە هەڵمەتیگ مرۆیی ئەرا بیناکردن ٢٥ ماڵ ئەرا نەدارەیل لە شارەگە.
دکتۆر عەلی تاڵب چالاکوان مەدەنی، ک خوەی سەرپەرشتیاری ئەو هەڵمەتە کرد، ئەرا ئاژانس شەفەق نیوز وت: ئەوەسا لە یەک مانگ تەمووز ئایندە، دەس کریەێدە پڕۆژەیگ ئەرا بیناکردن ٢٥ ماڵ ئەرا نەدارەیل لە خانەقین، وە گردەوکردن پویل لەلایەن توانادارەیل، و هەمیش وە پویل کەمیگ لەلاین کەمدەسەیل وە گردەوکردن پویل مانگانە، ئەرا فریاڕەسین وە نەدارەیل لە سەرگەردانی ونەمان بنمایەیل ژیان ئاسان.
و دیاری کرد ک پڕۆژەگە ئەزموونیگە لەشیوەی ئەوەگ لە قەزای شەترە کریا و وەتەواوی رەسیە سەرکەفتن، دویای ئەوە ک یەکیگ لە خوەیبەخشەیل دەسکردە هەڵمەتەگە و ٢٥ ماڵ دروس کرد، وبەشیان کردە بان نەدارەیل، ودەسکردە پڕۆژەی ١٠٠ ماڵ نوو، دویای ئەوەگ بەشداریکردن مرۆیێ فراوانیگ وەخوەی دی.
تاڵب دووپات کرد ک تەقەلا ئەرا فراوانکردن پڕۆژەی ٢٥ ماڵەگە هەس ک دویای ئەمجامدانی بوودە ١٠٠ ماڵ، ئەرا چارەکردن قەیران نیشتەجیبوین ک چینەیل فرەیگ لە قەزای خانەقین لەوەر رەوش و هووکارەیل فرەیگ زیان لەلی دوینن، وتیش: دوو ماڵ تەواو کریا وئەوەسا وەی نزیکە دریەنە ئەوانەگ شایستەن.
و بانگواز کرد ئەرا توانادارەیل وهەرکەس خوازێد لەی پڕۆژەی مرۆییە بەشدار بوود، پویل بیەێد ئەرا رزگارکردن نەدارەیل، و تا وینە وپەیامیگ مرۆیی لە یەکگردن مرۆیی وکۆمەڵایەتی لە خانەقین نشان بەێد.
