وە وەختیگ پەیمانەیی.. پۆلیس هەولێر ئەو توومەتبارە دەسگیر کەێد ک ژن خوەی کوشتیە
شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو دووشەممە، راگەیان ک پیاویگ دەسگیر کرد دویای چەن ساعەتیگ لە جیوەجیکردن تاوان کوشتن ژنەگەی خوەی، و دیاری کرد ک ئەوە لەوەر مرافەیگ ناوبەینیان دویای گرفتیگ خیزانی هاتیە.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: دویای رەسین زانیارەیلیگ ئەرا پۆلیس پارێزگای هەولێر، وە رویداویگ کوشتن لە ناوچەی تەعجیل نوو لە سنوور ناحیەی شمامک، هیزەیلی وەکوتپڕ روی وەرەو شوین رویداوەگە کردن، و دەرکەفت ک ژنیگە وەناو (بەهار زەکەریا فەتاح) لە تەمەن ٣٣ ساڵان کوشیاگە.
بەیاننامەگە وتیش؛ دویای وەشوینکەفتن رویداوەگە هیزەیل پۆلیس پارێزگای هەولێر، دویای کەمتر لە ٥ ساعەت توەنستن شویەگەی وەناو(ا ظ م) دەسگیر بکەن ک دویای مرافەیگ وە قسە کەفتە ناوبەینیان دەس لەلی وەشانیە، و دویای رەساننی ئەرا خەسخانە گیانی لەدەسدا.
بەیاننامەگە وتیش: باوەت لێکۆڵینەوە لە رویداوەگە واز کریا، و دیاری کرد ک توومەتبارەگە لەلای پۆلیس هەولێر گریایە.
