وە هەماهەنگی وەرد بەغداد.. هەرێم کوردستان تەواوکردن ٦ بەنداو راگەینێد
رەحمان خانی وەڕیەوبەر گشتی بەنداوەیل لە وەزارەت کشتوکاڵی و سامانەیل ئاوی لە حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: وەردەوامی لە بیناکردن بەنداوەیل لە بنەمایل سەرکیە ک کابینەی وەزارەتی نوهەم لە لە حکومەت هەرێم کوردستان لەبانی کار کەێد، ئەراک قایمکردن بینا ژیرینەیل و مقیەتیکردن سامان ئاوی.
لەباوەت ئەو بەنداوەیلە ک پارەکە تەواو کریان، خانی دیاری کرد ک چوار بەنداو وە بڕ ئەمارکردن ٣٠ مەلیۆن مەتر شەشپاڵوو کار لەلیان تەواو بوی، ک بەنداو جمرکە لە هەولێر، و بەنداو دێوانە لە سلێمانی، و بەنداو خنس لە دهۆک، وەگەرد بەنداور تورجار لە گەرمیان.
وتیش: جیوەجیکردن بەنداوەیل لە هەرێم کوردستان، گامەیل خاسیگ وەدەس هاورد، لە دویادویای ساڵ ٢٠٢١، بوودجە ئەرا دروسکردیان تەرخان کریا، ک بەنداوەیل زەلان و چەقچەق-٢ و دێوانە لە سلێمانی گردەو، وخونوزان و توجار لە گەرمیان، وجمکرە و بانۆی تاڵەبان شوکیر و کومسبان و نازەنین و ئاقوبان لە هەولێر، وەگەرد خنس و سبندو و گەلی لە دهۆک.
وەڕیەوبەر گشتی بەنداوەیل وتیش: لە ساڵ ٢٠٢٢ دووارە کار لە چوار بەنداو کریا و بەش گەورەیگ لە دویادویای ساڵ ٢٠٢١، جیوەجی کریا لە: بەنداو کومسبان ٩٧ مەلیۆن مەتر شەشپاڵوو لە هەولێر، بەنداو شوکیر ٢ مەلیۆن مەتر شەشپاڵوو لە کۆیە، بەنداو ئاقوبان ٢ مەلیۆن مەتر شەشپاڵوو لە هەولێر، بەنداو سبندو ٢ مەلیۆن مەتر شەشپاڵوو لە دهۆک، و ئەو بەنداوەیلە ک لە سەرەتای ساڵ ٢٠٢٣ خریانە کار: بەنداو بانۆی تاڵەبان ٣ مەلیۆن مەتر شەشپاڵوو، بەنداو نازەنین ٢ مەلیۆن مەتر شەشپاڵوو.
خانی وتیش: حکومەت عراقی لە ساڵ ٢٠١٣ دەسکردە دروسکردن دەیان بەنداو ئەمارکردن گەورە و بویچگ و وزەی کارۆئاوی لەناو پلان سەرەتای (ماستەر پلان) و تۆێژینەوەی ستراتیژی ئەرا ئاو و زەوی، ک ئی پلانە تا ٢٠٣٥ وەردەوامە، بەش گەورەیگ لەلی کەفێدە کوردستان وەو شیوەگ وەگەرد پلان هەرێم کوردستان گونجیاگە.
وتیش: تەقەلایلیگ لەی باوەتە کریاگە ئەرا هەماهەنگی لەڕی دەسەیل هونەری و شاندەیل دانوسەنین لە پەرلەمان و حکومەت عراق، و لە ساڵ ٢٠١١ زنحیرەیگ گردەوبوین ناوبەین خانمە وەزیر کشتوکاڵی و سامانەیل ئاوی و سەرۆک وەزیرەیل حکومەت فیدڕاڵی و وەزیر سامانەیل ئاوی لە حکومەت فیدڕاڵ جیوەجی کریا، ئەرا ئامادەکردن بەنداوە گەپەیل و دروسکردن بەنداویگ ستراتیژی نوویگ وەگورەی پلان لە هەرێم کوردستان.
