وە نرخ پشتگیریکریاگ.. لیتریگ بەنزین وە ٦٩٠ دینار لە سلێمانی

شەفەق نیوز/ ئیدارەی پارێزگای سلێمانی، ئمڕوو سێشەممە، راگەیان دەسکردن وە بەشەوکردن بەنزین پشتگیریکریاگ لەلایەن حکومەت فیدراڵی لە بەنزینخانەیل، لە ئیوارەی ئمڕوو.  

هەڤاڵ ئەبوبەکر پارێزگار سلێمانی لە بەیاننامیگ رەسیە ئاژانس شەفەق نیوز وت: دویای پەیوەندی وەگەرد لایەنەیل دەسەڵاتدار لە حکومەت فیدراڵی، ئیدارەی سلێمانی وە خاسی هاوکاری وەگەرد بەغداد، توەنست بەش پارێزگاگە لە بەنزین پشتگیریکریاگ لەلایەن حکومەت فیدراڵی دابین بکەێد، ک لە بەنزینخانەیلیگ دریاریکریاگ لە پارێزگاگە هەرلە ئیوارەی ئمڕوو وەنرخ ٦٩٠ دینار ئەرا یەک لیتر فرووشیەێد. 

وەزارەت نەفت فیدراڵی بەش پارێزگایل هەرێم کوردستان لە بەنزین پشتگیریکریاگ لەلایەن حکومەت بڕێد، ک وەرجەیە بڕیار کلکردنی ئەرا پارێزگایل هەرێم کوردستان دا، ک بویە قەیران سوتەمەنی تیژیگ، لەپشتی نرخ بەنزین گرانەو بوی.