وینە.. وسیانیگ ناڕەزایی لەوەردەم دادگای سلێمانی ئەرا نواگردن سیمایل تونوتیژی دژوە ژن
![وینە.. وسیانیگ ناڕەزایی لەوەردەم دادگای سلێمانی ئەرا نواگردن سیمایل تونوتیژی دژوە ژن](https://media.shafaq.com/media/arcella/1663581713451.jpeg)
شەفەق نیوز/ بڕیگ لە ریخریایەل ژنانە و شارستانی و کەسایەتیەیل ژن، ئمڕوو دووشەممە، وسیانیگ ناڕەزایی لەوەردەم دادگای سلێمانی ڕێک خستن، ئەرا نواگردن سیمایل تونوتیژی دژوە ژن.
وسیانەگە لەژیر دروشم "تو تونیا نیی ئیمە هاینمە گەردد دژوە تونوتیژی لەباند".
کنێر عەبدولڵا خانمە چالاکوان مەدەنی لە کۆنگرەیگ رووژنامەوانی ئاژانس شەفەق نیوز ئامادەی بوی وت: یەکەم پەیام ئەرا پیاوەیل دادوەری و دامەزراوەیل دادوەری کل کەیمن، و ئەرایان ئویشیمن: بایەتە داوایل ژنەیل بزانین ک خوازن دادوەری سەروەخوەیی بوود هەناێ سزای بکوشەیل ژن و خاوەن تونوتیژی لەبان ژن دەریەێد، و لە سزا دەرباز نەون.
وتیش: ئیمە باوەڕ دیریمن ک کوشتن ژن و تونوتیژی لەبانیان هابان گەردن گۆمەڵگا و رسوومەیل کۆمەڵگا و فێرکردن، باوجی ئیمە باوەڕ دیریمن ک دادوەری رۆل گرنگیگ دیرێد لە نواگردن ئەو سیمایلە وە سزادان جیوەجیکەرەیل ئەو تاوانەیلە.
عەبدولڵا وتیش: بایەتە حکومەت هەرێم کوردستان جدی بوود لە قدیەغەکردن کوشتن و شکەنجەی ژنەیل وە جیوەجیکردن یاسایل ئەو باوەتەیلە و سزادان بکوش و تونوتیژیەیل، وئیمە لە کوردستان یاسایلیگ دیریمن ئەرا سزادان بکوشەیل و تونوتیژیەیل، باوجی جیوەجیکردن و گورجکردن ئەو یاسایلە خوازیمن.
لە کۆتایی وسیانەگە، خانمە ناڕەزایل داوا لە گشت ریخریایەل کۆمەڵگای مەدەنی و گشت لایەنەیل کردن زوور بارنە بان خاوەن بڕیارەیل ئەرا کەمەوکردن و کۆتاییهاوردن وە سیمایل تونوتیژی دژوە ژن.