وێنە.. کوردە فەیلیەکان لە کەرکوک ٤١ مین ساڵیاد ژینۆسایدیان کەن
2021-04-04T14:48:54+00:00
شەفەق نیوز/ یەکێتی کوردە فەیلیەکان لە کەرکوک، ئمڕوو یەکشەممە، ئاهەنگیگ یادکردن چل و یەکەمین ساڵیاد ژینۆسایدکردن فەیلیەکان وەدەس رژیم وەرین سازین.
پەیامنێر ئاژانس شەفەق نیوز وت: یەکێتییەگە لە ناو بارەگاگەی خوەی لەناوڕاس شار کەرکوک ساڵیاد «رووژ شەهید فەیلی» ک کەفێدە چوار نیسان کرد، ئەرا یادکردن ئەو ژینۆسایدە ک کورد فەیلی کەفتە وەری، و بڕیگ لە خەڵک پارێزگاگە ئامادەی بوین.
وتیش؛ ئامادەبویەکان یەک خولەک بیدەنگی ئەرا گیان قوربانیە فەیلیەکان وسیان، و هەمیش وێنەیلیگ ئەرا ژمارەیگ لە قوربانیەیل ژینۆسایدەگە لە ئاهەنگ یادکردنەگە نشان دریا.
