وێنە.. وەرز درەوکردن (بەرەفتاو) لە هەرێم کوردستان وەگەرد هشکەساڵیەگە
شەفەق نیوز/ کشاورزەیل قەزای رانیە سەروە ئیدارەی ناوچەی راپەڕین لە هەرێم کوردستان، ئمڕوو شەممە، دەسکردنە درەو بەرهەمەیلیان لە بەرەفتاو ک فرووشتنی وەرەو ناوچەیلیگ تر لە هەرێم، لە مانگ حوزەیران دەس وەپیکەێد.
خالد ئەحمەد حەکیم وەرپرس بەش کشتوکاڵی لە قەزای رانیە ئەرا ئاژانس شەفەق نیوز وت: ناوچەیل قەزای رانیە جاران نزیکەی ١٠٠٠ - ٢٥٠٠ دۆنەم لە توێەم بەرەفتاو کاڵیاد، وەلێ ئمساڵ ١٥٠٠ دۆنەم وە بەرهەم تەنیا ١٢٠٠ تەن بەرەفتاو بەرهەم کردگە، وە بەراوردی وەگەرد پارەکە ک رەسیە ٢٦٠٠ تەن، ئەوەیش لەوەر هشکەساڵ و کەم ئاوی.
حەکیم وتیش؛ وەگورەی رینمایل وەزارەت کشتوکاڵی لە وەرز بەرەفتاو چنین، ئەرا پاڵپشتی بەرهەم ناوخۆیی قەیەغەی هاوردەی بەرەفتاو کریەێد.
لەلای خوەییش شاخەوان حەمە کەریم، یەکیگ لە کشاورزەیلە، ک داشت توێەم بەرهەم بەرەفتاو گردەو کردیاد وت؛ لەی رووژەیلە کشاورزەیل دەسکەنە چنین بەرهەمەیلیان لە بەرەفتاو و خەنەی بان یانیگ لە بان زەوی تا لەوەر خوەرەگە هشکەو بوود، ئیجا چویچیەێد و خریەێدە ناو کیسە وفرووشیەێدە بازاڕەیل.
کەریم ئەرا ئاژانس شەفەق نیوز وت: توێەمەگە وەگورەی چینە خاسەگی لە بازاڕەیل فرووشیەێد ک هەر لە ١٥٠٠ دە وەپی کەێد تا ٣٠٠٠ دینار ئەرا یەک کێلوگڕام دەس وەپی کەێد، و دیاری کرد ک فرەگەی ئەرا خواردن سینیەێد نەگ ئەرا دروسکردن روین، چوینکە کارەگەی ئەوە نییە ک توێەم بەرەفتاو جەڕەو بەێد و بکەێدەی روین.
