وینە و ڤیدیۆ.. ئۆکرانیەیلیگ لەوەردەم نۊسینگەی نەتەوە یەکگرتگەیل هەولێر ناڕەزایی کەن
![وینە و ڤیدیۆ.. ئۆکرانیەیلیگ لەوەردەم نۊسینگەی نەتەوە یەکگرتگەیل هەولێر ناڕەزایی کەن](https://media.shafaq.com/media/arcella/1645956433336.jpeg)
شەفەق نیوز/ دەیان لە ئۆکرانیەیل، ئمڕوو یەکشەممە، لەوەردەم نۊسینگەی نەتەوە یەکگرتگەیل لە هەولێر پایتەخت هەرێم کوردستان، وەداوای وسیان جەنگ لەبان وڵاتیان لەلایەن رووسیا ناڕەزایی کردن.
پەیامنێر ئاژانس شەفەق نيوز وت: دەیان لەو ئۆکرانییەیلە ک لە هەرێم کوردستان کار کەن، لەوەردەم نۊسینگەی نەتەوە یەکگرتگەیل لە هەولێر وەداوای ئەوە ناڕەزایی کردن ک نەتەوە یەکگرتگەیل زوور بارێدە بان رووسیا تا لە وڵاتیان دەرچوود و جەنجەگە بوسێد.
ئەرا چوارەمین رووژە، هێزەیل رووسیا لە ئۆپراسیۆن سەربازی وەردەوامە ک پوتین لەلی راگەیان وەخاتر مقەیەتیکردن دونباس و بیچەککردن ئۆکرانیا، لەناو بەرزەوبۊن بیوەرینیگ لە سزایل خوەرئاوایی لەبان رووسیا و زوورکردن لەبان کەرت دارایی.