وینە...وە بەشداری سەدان کشاوەرز هەشتەمین ڤیستواڵ ئەنار لە هەڵەبجە دەسوەپی کریا
شەفەق نیوز/ هەشتەمین ڤیستواڵ ئەنار، شەوەکی ئمڕوو پەنجشەممە، وە بەشداری سەدان کشاوەرز و خاوەن باخەیل لە پارێزگای هەڵەبجە لە هەرێم کوردستان دەسوەپی کرد.
پارێزگار هەڵەبجە ئازاد تۆفیق لە وتاریگ لەوەخت مەراسیم ئاهەنگ دەسکردن وە ڤیستواڵەگە وت" گشت تەقەڵایگ ئەمنی و خزمەتکردن ناوخوەیی دایمنە ئەرا ئی ڤیستواڵە و هیوا خوازیمن داهێنان نوویگ بوود و نەبایەت تەنیا لە قسە و وتار وەرپرسەیل بمینێد، بایەت چالاکیەیل هونەری ناوچەیل پارێزگاگە بگرێدە خوەی (هەڵەبجە، شارەزوور، هەورامان).
وتیش، " هیوا خوازیمن مینوانەیل لە ماوەی رووژەیل ڤیستواڵەگە لە هەڵەبجە چێژ لە وەختەیلیان بدوینن"
زیاتر لە 400 باخەوان و کشاوەرز بەرهەمەیلیان لە ڤیستواڵەگە نمایشکردنەس و ماوەی سێ رووژ وەردەوامە".
بەر میوەی ئەنار وە یەکیگ لە وە ناودارترین بەرهەم لە هەرێم کوردستان دانریەێد، ک لەی ساەیل دویایە ئەرا دەیشت عراقیش کلکریەێد، و ئمساڵ بڕیارە ئەنار هەڵەبجە ئەرا ئیماراتیش کلبکریەێد.
