وێنە.. هووشداری لە فەوتانن گوڵ (شلێر) لە کوێەیل هەولێر
شەفەق نیوز/ نادر روستی قسەکەر وەناو دەزگای گەشتوگوزاری لە هەرێم کوردستان، ئمڕوو شەممە، بانگواز ئەرا هاووڵاتییەیل کرد مقەیەتى گوڵەیل (شلێڕ) بکەن و هەنای سەردان ئەو دووڵە کەن ک خاک ئی گوڵەسە خراویان نەکەن.
روستی ئەرا ئاژانس شەفەق نیوز وت: دەیشتەیل باڵەکایەتی لە سنوور پارێزگای هەولێر وەناوبانگە وە چینەیل جووراجوریگ لە گیا و گوڵەیل رەنگین و بیوینە، و یەکیگیان گوڵ شلێرە ک وەشیوەی فرە فرە رەنگینیگ ناسریاگە، و رووبەر فراوانیگ لە نزیک قەزای چۆمان پووشێد.
وتیش؛ فرە لە خەڵکەگە لە وەرز وەهار ئەرا وێنە گرتن وەگەرد ئی کوڵەیلە وەرەو ئی ناوچە روی کەن، باوجی وەداخەو ک سیمای ناشرینیگ دیمن، ک بەشیگ لەلیان دویای وێنەگرتنەگە ئەو کوڵەیلە لەڕیشەو هەڵکەنن، یا وەماشین وەبانیان رەد بوون و خراویان کەن.
روستی هووشداری کرد ک ئەگەر کارەگە وەیجوورە وەڕیەو بچوود، ئەوەسا ئی کوڵەیلە فەوتیەن، و بایەدە خەڵکەگە دویارووژ ئی ناوچە بخەنە وەرچەو، ک نێەوود حکومەت پاسەوانەیلیگ لەبانیان دانەێد، وتیش؛ من دڵنیام ئەگەر وەیجوورە بوود، خو ئی کوڵەیلە فەوتیەن و ڕەنگینی ئی ناوچە نێمینێد.
