وینە.. هاوپەیمان ناودەڵەتی چین نوویگ لە ئامێر سەربازی دەێدە پێشمەرگە
![وینە.. هاوپەیمان ناودەڵەتی چین نوویگ لە ئامێر سەربازی دەێدە پێشمەرگە](https://media.shafaq.com/media/arcella/1646217698333.jpg)
شەفەق نیوز/ هاوپەیمان ناودەڵەتی، ئمڕوو چوارشەممە، چین نوویگ لە ئامێرەیل سەربازی جەنگی و خزمەتگوزاری داگە پێشمەرگە.
ئەوەیش وەسەرپەرشتیاری شمارەیگ لە سەرکردەیل سەربازی لە وەزارەت باوەتەیل پێشمەرگە، و کلونێل تاد بروز فورماندەی هێزەیل هاوپەیمان ناودەڵەتی لە هەرێم کوردستان و شاند یاوەری وەگەرد راوێژکارەیل سەربازی لەناو هاوپەیمانی وەڕیەو چگ.
وە ئامادەبۊن نۊنەرەیلیگ لە کەرتەیل سەربازی ئەو ئامێرەیلە بەشەو کریا بانیان.
وەزارەت باوەتەیل پێشمەرگە لە بەیاننامیگ لەزوان لیوا روکن هۆشمەند حەیدەر سەرۆک ئەرکان ئیدارە و میرە سوپاس وەزارەتەگە ئەرا هاوپەیمان ناودەڵەتی وەتایبەت ئەمریکا پێشکەش کرد.
لیوا روکن حەیدەر وت: ئی هاوکاریە ئەوەسا هیلیدمان لە جەنگ بان تیرۆر و تیرۆریستەیل وەهێزتر بۊمن، و لە خود وەختەگە داوا لە کەرتەیل سەربازی کرد مقەیەتی ئی ئامێرەیلە بکەن و لە گرنگی وەکاریان بارن.