وینە...هاتن 10 هەزار گەشتیار ئەرا هەولێر جویر ئامادەکارییگ ئەرا سەرساڵ
2022-12-30T19:18:43+00:00
شەفەق نیوز/ دەسڵاتدارەیل ناوخوەیی لەشار هەولێر پایتەخت هەرێم کوردستان، ئمروو جومعە، راگەیانن 10 هەزار گەشتیار هاتیەس ئەرا هەولێر جویر ئامادەکاری ئەرا ئاهەنگ سەرساڵ زاینی.
ئۆمێد خۆشناو پارێزگار هەولێر وە ئاژانس شەفەق نیوز وت، " ئامادەکاریەیل ئاهەنگ سەرساڵ زاینی وەردەوامە و بڕیگ رێنمایی ئەمنی هەس ک دەرچگە هاووەخت وەگەرد ئی بوونە".
پەیامنێرمان لەزوانی وەڕێەوبەر ئاسایش هەولێر راگەیاند، زیاتر لە 10 هەزار گەشتیار هاتنەس ناو شار هەولێر لەری خاڵ کۆنترۆڵ شیراوا لە ری کەرکوک و خازر لەبان ری موسڵ.
هەرێم کوردستان پیشوازی لە هەزاران گەشتار لە پارێزگایەیل ناوڕاس و باشوور عراق کەێد لە وەخت جەژن سەرساڵ وەپای ئەوەگ چەندین شوینەیل گەشتیاری گرێدە خوەی.
