وێنە.. مەکتەوەیل کوردستان دەسکەنە نیمچە دەوامیگ لە خانەقین
2020-09-29T10:08:49+00:00
شەفەق نیوز/ وەڕێۆبەرایەتی پەروەردەی خانەقین، ئمڕوو سێشەممە، راگەیان دەسکردن وە ساڵ خوەنستن ئەرا مەکتەوەیل سەروە هەرێم کوردستان وشیوەیگ نیمچەیی، وەگورەی ریکارە مقەیەتیەگان ئەرا نواگردن پەتای کۆڕونا.
حەسەن تاڵەبانی وەڕێۆبەر پەروەردە ئەرا ئاژانس شەفەق نیوز وت: دەوام مەکتەوەیل کوردستان لە قەزای خانەقین وەنیمچەیی دەسکردەپی، و تەنیا خوەنەوارەیل پۆل شەش ئامادەیی گرێدەو، ئیجا لە دەی تەشرین یەکەم ئایندە دەوام خوەنەوارەیل پۆل دوو و سێی بنەڕەتی دەسکەێدەپی، و قۆناغەیل سێ بنەڕەتی تا پەنج ئامادەیی کەفنە خوەنستن ئەلیکتڕۆنی لە ریکارە مقەیەتیەگان دژوە پەتای کۆڕونا.
وتیش ساڵ خوەنستن ئیسە، ریکارەیل مقەیەتی توکمەیگ وەخوەی دوینێد ئەرا نواگردن لە هەر بڵاوبوینیگ لە تووشهاتن کۆڕۆنا، جوور دویرەوکەفتن لەناونی خوەنەوارەگان، وقەیەغەکردن هەر قەرەباڵغیگ لە هۆڵەگان وەگەرد تەمیسکردن وەردەوام.
تاڵەبانی دیاریکرد ک ژمارەی خوەنەوارەیل مەکتەوەیل کوردستان رەسێدە دەور ٦٠٠٠ خوەنەوار لە جوورا جور قۆناغەیل خوەنستنەگان، وئاماژەکرد وە داواکاریی لە ئیدارەی گەرمیان وە ریداین ئەرا قۆناغەیل خوەنستن لە یەک تا شەش بنەڕەتی ئەرا دەوامکردن لە هۆڵەیل خوەنستنەگان، لەوەر کەمی ژمارەی خوەنەوارەیل لەی قۆناغەیلە، ونەوین مەترسیە پەتاییەگان، و چەوەڕی وەڵام لە لایەنە فەرمیە پەیوەندیدارەگان کەیمن لە ماوەی ئایندە.
حەسەن تاڵەبانی وەڕێۆبەر پەروەردە ئەرا ئاژانس شەفەق نیوز وت: دەوام مەکتەوەیل کوردستان لە قەزای خانەقین وەنیمچەیی دەسکردەپی، و تەنیا خوەنەوارەیل پۆل شەش ئامادەیی گرێدەو، ئیجا لە دەی تەشرین یەکەم ئایندە دەوام خوەنەوارەیل پۆل دوو و سێی بنەڕەتی دەسکەێدەپی، و قۆناغەیل سێ بنەڕەتی تا پەنج ئامادەیی کەفنە خوەنستن ئەلیکتڕۆنی لە ریکارە مقەیەتیەگان دژوە پەتای کۆڕونا.
وتیش ساڵ خوەنستن ئیسە، ریکارەیل مقەیەتی توکمەیگ وەخوەی دوینێد ئەرا نواگردن لە هەر بڵاوبوینیگ لە تووشهاتن کۆڕۆنا، جوور دویرەوکەفتن لەناونی خوەنەوارەگان، وقەیەغەکردن هەر قەرەباڵغیگ لە هۆڵەگان وەگەرد تەمیسکردن وەردەوام.
تاڵەبانی دیاریکرد ک ژمارەی خوەنەوارەیل مەکتەوەیل کوردستان رەسێدە دەور ٦٠٠٠ خوەنەوار لە جوورا جور قۆناغەیل خوەنستنەگان، وئاماژەکرد وە داواکاریی لە ئیدارەی گەرمیان وە ریداین ئەرا قۆناغەیل خوەنستن لە یەک تا شەش بنەڕەتی ئەرا دەوامکردن لە هۆڵەیل خوەنستنەگان، لەوەر کەمی ژمارەی خوەنەوارەیل لەی قۆناغەیلە، ونەوین مەترسیە پەتاییەگان، و چەوەڕی وەڵام لە لایەنە فەرمیە پەیوەندیدارەگان کەیمن لە ماوەی ئایندە.
