وینە.. لافاو واران ویستگەی کارەبای دەربەندیخان و ماڵەیلیگ نقوم کەێد
وەزارەتەگە لە بەیاننامەیگ رەسیە ئاژانس شەفەق نیوز وت: دویەشەو تیمەیل کارەبا وەگەرد قایمقام قەزای دەربەندیخان و شارەوانی و بنکەی ئاگرکپەوکردن و وەڕیەوبەرایەتی بەنداوەگە دەسکردنە ئاڵشتکردن روی ئاوەگە تا لە ویستگەگە دویریەو بخەن، و دووپات کرد کە ئاو ناو ویستگەگە دراوریا.
وەگورەی بەیاننامەگە، دویای لاوردن خەرج و بنگرەیل ناو ویستگەگە ئەوەسا خریەێدە کار.
لەلای خوەییش، قایمقام قەزای مێرگەسۆر باکوور پارێزگای هەولێر پایتەخت هەرێم کوردستان، داوا لە هاوڵاتیەیل کرد کە خانە نزیک چەو و جووەیل ئاو، مەوقەی واران رفت و لافاو ماڵیان چووڵ بکەن.
هەمیش داوا لە خەڵکەگە کرد ئاگادار وەڕیەوبەرایەتی شارەیل لە نزیکترین وەخت بکەن ئەگەر چشتیگ روی دا تا تیمەیلمان بتوەنن بڕەسنە شوینەگە.
ئی هوشداریە لە وەختیگ تیەێد کە هەرێم کوردستان یە چەن رووژیگە وارانیگ وەخوەی دوینێد، و دویەکە لە چەن ناوچەیگ سنووری ئاو پەنگەو خوارد لەوەر بەسیان شوینەیل دەرچگن کە بویە هوکار نقومبوین بەشیگ لە ماڵەیل، تا تیمەیل وەرگیری رەسینە خاسەوکردن ئەو رەوشە.
.….
