وێنە لە سلێمانی. . هەڵمەت هەس وە وەرپرسایەتی لەلایەن خوەنەوارەیل زانکۆ
شەفەق نیوز/ بڕێ لە خوەنەوار ودەرچگەیل زانکۆ لە شار سلێمانی، دەسکردنە هەڵمەتیگ ئەرا پێشکەشکردن دڵنگ ئەرا مناڵ ونەدارەیل لەناو بازاڕەیل شارەگە تا لە سەردی زمسان مقیەتییان بکەێد.
ئارام حسێن یەکیگە لە ئەندامەیل هەڵمەتەگە ئەرا ئاژانس شەفەق نیوز وت: هەڵمەتەگە وەناونشان "بسین و بوەخش" هات ئەرا بڵاوکردن کەلتوور پەخشین وبدەسمیەتی ناوبەین کەسەیل کۆمەڵگا، وە گردەوکردن دڵنگ وەکارهاتیەیلە ک زیایەن و بەشەوکردنی ئەرا نەدارەیلە.
بانو عەبدولڵا خانمیگە لە بەشدارەیل ئی هەڵمەتە وت: ئی هەڵمەتە جۊر پەیامیگە ئەرا هەسکردن وە وەرپرسایەتی وەرانوەری نەدارەیل، تا وەپیان بۊشن ک ئیوە بیکەس نیین.
بانو وتیش: هەڵمەتەگە وە ماوەی ٣ ساڵ لە دامەزرانی خزمەتەیل گەورەیگ پێشکەش کردگە، و خوازین هووش کۆمەڵگایی ئەرا پێشکەشکردن هاوکاری ئەرا نەدارەیل بڵاو بکەێد، ژیان سەروەریگ بەێدە ئەوەکان.
وتیش ئی هەڵمەتە وە تەنیا ٢٠ کەس لە خوەنەوار و دەرچگەیل وەڕیەو چوود.
