وێنە.. قەرەچەیل دهۆک شوون نیشتەجیبوین خوەیان کەنە شوونیگ کەلتووری

وێنە.. قەرەچەیل دهۆک شوون نیشتەجیبوین خوەیان کەنە شوونیگ کەلتووری
2021-02-15T13:44:48+00:00

شەفەق نیوز/ هەرچەن بازاڕە ناوخۆییەگان پڕن لە جووراجور کاڵە وشمەکەیل و لە چەن بنچینەیلیگ دەوڵەتی، و وە نرخەیل جووراجوریگ گران و ناوڕاس و ئەرزان، بەڵکم بەشیگ هەس ک چشتەیلیگ دەسکرت هەڵچنن ک شیوەی کەلتووری بیاشتان، ئەوەسە ک لە کۆمەڵگەی قەرەچەگان لە پارێزگای دهۆک لە هەرێم کوردستان پەیای کەی.

ئاژانس شەفەق نیوز گەردیە ناو کۆمەڵگەی رووناهی لە باشوور دهۆک، ک لەولا قەرەچەگان گوزران کەن، و کۆمەڵگەگە وەشیوەی کارەگایگ کەلتووریە ئەرا کارە دەسکرتەگان جوور قاجاخەیل ئاشکردن وئەو ناوماڵەگان تر ک قەرەچەگان لە باوگ وباپیرەیل میراتییان کردنە.

یونس تاهر گەورای قەرەچەگانە لە دهۆک، ئەرا ئاژانس شەفەق نیوز ئووشێد؛ قەرەچەگان لە ١٥٠ ساڵ زیاتر لە دهۆک جیگر بوینە، هەنای دهۆک دوو گەڕەک بویە، یەکیگیان تایبەت و قەرەچ بویە، و ئاماژە کەێد ک خوەیان وەرجەوە لە ئاوایەیل نزیک شارەگە نیشتەجی بوینە، و لەو وەختەو مقەیەتی کار و پیشەیی خوەیان کردنە.

تارق ئەحمەد، ک خوەی قەرەچیگە لە تەمەن چل ساڵان، پیشەی دروسکردن هەرویلک لەباوگی وەرگردگە، و ئەرا ئاژانس شەفەق نیوز ئووشێد؛ لە وەرجە ٢١ ساڵەو لەی پیشە کارە کەێد.

و ئاماژە کەێد ک چووەگان لە قەزای عەقرە و شار دهۆک تیەرێد، ک خوەیان پارچەیلیگ ئامادەکریاگ وپاکن، و شیوەگانیان ئەرا کارەگەی گونجنێد، و دیاری کەێد بازاڕ هەرویلک فرووشتن لە وەرز زمسان گەرمەو بوود، و کڕیاریش ئەرا ئەو چشتە ماڵیە چووینەگان هەس جوور ئەڵەک و کەمچگ وقاو وچشتەیلیگ تر چوونکە ئەرزانن.

لەیلا عابد قەرەچیگە لە وەخت دامەزرانن کۆمەڵگەگە لە ساڵ ٢٠٠٥ هالە ناوی، و کار لە ئیوەتکردن زەردەواڵە کەێد و هەنگوین فرووشێد، و ئووشێد ک هاوسەرەگەی ئەرا چەن ساڵیگە ئی کارە کەێد، و خیزانەگەی ئەرا ژیان و گوزەرانیی وەیە پشت بەساگە.

جی باسە ک ژمارەی قەرەچەگان لە دهۆک رەسێدە ٣٢ هەزار کەس.

Shafaq Live
Shafaq Live