١٠٠ وێنەی فۆتوگرافی لە فیستیڤاڵ سلێمانی
شەفەق نیوز/ دامەزراو مرۆیی مام، ئمڕوو یەکشەممە، پێشینگایگ هاوبەش ئەرا یەکێتی وێنەگرەیل کوردستان سازێد، وە بەشداریکردن ١٠٠ وێنەی فۆتۆگرافی لە گشت ناوچەیل عراق و جهان.
عەلی جواد سەرۆک یەکێتی وێنەگرەیل عراق ئەرا ئاژانس شەفەق نیوز وت: خوەشحاڵیمن وە سازین ئی فیستیڤاڵ هاوبەشە لەناونی وێنەگرەیل عراق لە گشت پارێزگایل و وێنەگرەیل هەرێم کوردستان، ک خوەی پەیام دووسییگە ئەرا گشت رەنگەیل گەل عراق.
جواد وتیش؛ لەڕی هونەر وینەگردن خوازیمن وێنەگرەیل فۆتۆگرافی لەی شار رەنگینە گردەو بکەیمن ک سوومای هونەر عراقی رەسن دەێدەو.
لەلای خوەییش جەبار ساڵح سەرۆک وێنەگرەیل کوردستان ئەرا ئاژانس شەفەق نیوز وت: یە هەڵمەت خاسیگە لەلایەن یەکێتی وێنەگرەیل عراق ئەرا سازین ئی پێشەنگا لە شار سلێمانی وە بەشداریکردن بڕیگ لە وێنەگرەیل لە پارێزگایل عراق و هەرێم کوردستان، ک خوەی خوازێد ئەزموونەیل هونەری لە چین وێنەگردن تیکڵا بکەێد وە تایبەت ئەرا ئەو گەنجەیلە ک دەور گەورایگ لە رەسانن هونەر وێنەگردن فۆتۆگرافی رەنگین ئەرا جهان رانن.
