وێنە.. سلێمانی یەکیگ لە جادەیلی وە ناو نووسەر کورد موستەفا ساڵح نەێد
شەفەق نیوز/ حکومەت خۆجێیی لە سلێمانی لە هەرێم کوردستان، ئمڕوو شەممە، ناو نووسەر و رووژنامەوان کورد، ڕەحمەتی موستەفا ساڵح کەریم، ناگە یەکیگ لە جادەی وەناوبانگی لە شارەگە.
شەوەکی ئمڕوو، رسوومەیل ئاهەنگ داناین ناو نووسەرە کوردەگە لەبان جادەی عەقار وە ئامادەبۊن هەڤاڵ ئەبوبەکر پارێزگار سلێمانی و بڕی لە دەمچەرمگەیل پارێزگاگە وەڕیەو چگ.
ئەبوبەکر لەناو ئەو ئاهەنگە ک ئاژانس شەفەق نیوز ئامادەی بۊی وت: ئاهەنگکردن وە ئەدیب و سومبولی کەلتوورمان، یەکیگە لەو شانازیەیلە ک بایەتە نەوەیلمان وەپی شانازی بکەن، و ئی جادە ک وەناو ئەدیب ڕەحمەتی موستەفا ساڵح کەریم نریا، ک لە ساڵ ١٩٥٧ تا ٢٠١٨ شۊنی بۊی.
وتیش: بایەتە یاد مەزنەکە لە هۊرمان گەلەیلە نەمرێد تا بوودە مەشخەڵیگ ئەرا نەوەیلە.
نووسەر و رووژنامەوان موستەفا ساڵح کەریم، شەوەکی رووژ یەکشەممە، ١٦/١٢/٢٠١٨ ، دۊیای ململانەیگ وەەد بیماریەگە دۊیاکووچی کرد، و میراتییگ ئەدەبی و کەلتووری گەپیگ، وە زوان کوردی و عەرەوی هیشتە جی.
