وینە.. سلێمانی یاد کۆمەڵکوشی شەنگال کەێدەو
![وینە.. سلێمانی یاد کۆمەڵکوشی شەنگال کەێدەو](https://media.shafaq.com/media/arcella/1722680448440.jpg)
پایامنێر ئاژانس شەفەق نیوز لە سلێمانی راگەیان، هاوڵاتیەیل پیادە و رانندە ماشینەیل لە پارێزگاگە وسیانیگ ماتەمینی کردن ئەرا گیان قوربانیەیل، و ئەراماوەی یەک خولەک لەناو جادەیل شارەگە جموجویل وسیا.
پارێزگار سلێمانی هەڤال ئەبوو بەکر داوای یەک خولەک بی دەنگی کرد ئەرا گیان قوربانیەیل کارەسات ئەو کۆمەڵکوشیە کە مەردمە ئێزیدیەیل لە شەنگال رویوەروی بوین وەبان دەس رێکخریاگ داعش لە ساڵ 2014.
لای خوەیشەو سەرۆک نێچیروان بارزانی راگەیان وەداخەو ئەرا وەردامبوین لە دیارنەمەنن زیاتر لە 5 هەزار رفیاگەیلئێزیدی، و داوا لە هەولێر و بەغداد کرد ئەرا تەقەلادان فرەتریگ ئەرا دادگایکردن ئەو کەسەیلە دەسداشتنە لە ئەنجامداین تاوان وەرانوەر ئێزیدیەیل.