وینە...ڤیستواڵیگ ئەرا بەرهەمەیل ناوخوەیی لە سلێمانی

شەفەق نیوز/ ئمڕوو دوشەممە، چالاکیەیل ڤیستیواڵ بەرهەم و خواردنەیل ناوخویی لە سلێمانی دەسوەپی کرد، وە بەشداری کردن 120 کەس لە خاوەن پرۆژەیل بویچگ.

 سەرپەرشتیار ڤیستواڵەگە محەمەد عوسمان وە ئاژانس شەفەق نیوز وت، " ڤیستواڵەگە لە پارک ئازادی لە ناوشار سلێمانی وەریەوچوود، لە ماوەی ئی وەرزە و ئیە دویەم ڤیستواڵ بەرهەم و خواردنەیل ناوخوەییە شمارەیگ فرە لە خواردنەیل نەریتی گرێدە خوەی".

وتیش:" بیجگە لەو خواردنەیلە ک نمایش کریانە بەرهەمەیلتریش هەس جویر هەنگوین و کارەیل دەسڕەنگینی و میوە و سەوزەی هشکەوکریاگ ک لە زمسان بوونی نییە جویر بایمجان".

دیاریکرد:" ڤیستواڵەگە وە تەنیا دیاریکریاگە ئەرا بەرهەمەیل ناوخوەیی و ئامانج لەلی بازارکردن بیاشتوون، و لە ئمڕووە تا دوی تشرین یەکەم ئایندە وەردەوامی دیرێد، و  لە شەوەکی تا ساعەت یانزە پیشوازی لە سەردانیکەرەیل کریەێد".