وێنە.. زەخمداربوین رانندەیگ و شەش ژن وە رووداویگ لە هەولێر
2021-04-02T11:20:21+00:00
شەفەق نیوز/ وەڕێۆبەرایەتی هاتووچو لە قەزای کوێسنجاق لە پارێزگای هەولێر، ئمڕوو جمعە، خەوەردا لە زەخمداربوین هەفت کەس فرەیان ژنن وە رووداویگ هاتووچو.
وەگورەی بەیاننامەی وەڕێۆبەرایەتیەگە؛ رووداوەگە وەرجە نیمەڕو ئمڕوو لەبان ری سەماقولی- هەولێر بوی، و بویە هووکار زەخمداربوین سووک رانندەگە و شەش سوار لە ژنەیل.
بەیاننامەگە باس هووکار رووداوەگە لەوەر پیچخواردن وەشیوەی هەڵەیگ لەوەخت رانستن بویە.
